ސައިކަލާއެކު މޫދަށް ވެއްޓުން މީހަކު ނިޔާވެއްޖެ

ސައިކަލަކާއެކު ހދ.ނޮޅިވަރަން ފަޅުތެރެއަށް ވެއްޓުނު މީހަކަށް ފަރުވާދެމުން ދަނިކޮށް ނިޔާވެއްޖެއެވެ.

އެ ރަށު ސިއްހީ މަރުކަޒްގައި ފަރުވާ ދެމުންދަނިކޮށް ނިޔާވެފައިވަނީ ނޮޅިވަރަން، ގާޑެނިޔާވިލާ، އިލްޔާސް އިބްރާޙީމް (32އ) އެވެ.

މަޢުލޫމާތު ލިބިފައިވާގޮތުގައި އިލްޔާސްއަކީ ފިޓްޖެހޭ މީހެކެވެ. ނޮޅިވަރަން ބަނދަރުތެރެއަށް ވެއްޓުންވެސް މީ ދެ ވަނަ ފަހަރެވެ. މީގެ ކުރިން މަހަށްގޮސް އުޅެނިކޮށް ފިޓް ޖެހިގެން ކަނޑަށްވެސް ވެއްޓިފައިވާކަމަށް މަޢުލޫމާތުލިބެއެވެ.

ފުލުހުންގެ މީޑިއާ އޮފިޝަލް ވިދާޅުވީ އެރަށު ބަނދަރުން މީހަކު ސައިކަލާއެކު މޫދަށް ވެއްޓިގެން ސިއްހީ މަރުކަޒުގައި ފަރުވާދެމުންދާ ކަމަށް ރޭ 9:15 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

މި ހާދިސާއާ ގުޅިގެން ފުލުހުން ބަލަން ޖެހޭ ކަންކަން ބަލަމުން ދާކަމަށް ފުލުހުން ވިދާޅުވިއެވެ.