މާއެނބޫދޫ ކައުންސިލް ފުޓްސަލް މުބާރާތް 2024ގެ ޗެމްޕިއަންކަން ބަޔާން މަނިކް ހޯދައިފި

މާއެނބޫދޫ ކައުންސިލް ފުޓްސަލް މުބާރާތް 2024 ގެ ޗެމްޕިއަން ކަން ބަޔާން މަނިކް ހޯދައިފިއެވެ.

ބަޔާން މަނިކް މިމުބާރާތުގެ ޗެމްޕިއަން ކަންހޯދީ ސޭވިއަރ އާއި ބައްދަލުކޮށް 1-1 ގެ ނަތީޖާއަކުން އެއްވަރުވެ ޕެނަލްޓީ ޖަހައިގެންނެވެ.

ދެޓީމްގެ ފަރާތުންވެސް ވާދަވެރި ކުޅުމެއް ފެނިގެންދިޔަ މި މެޗުގައި ފުރަތަމަ ގޯލްއެއްޖެހީ ބަޔާން މަނިކްއެވެ. ބަޔާން މަނިކްއަށް މި ގޯލް ޖަހާދިނީ މެޗުގެ ދިހަވަނަ މިނެންޓްގައި އަލީ ހާފިޒް(ހާއްޕެ) އެވެ.

1-0ގެ ނަތީޖާ އަކުން މެޗް ނިމެން ދަނިކޮއް ސޭވިއަރ އަށް ނަތީޖާ ހަމަހަމަ ކޮށްދިނީ ސޭވިއަރ ގެ އަރީފް(އަރިއްކޮ) އެވެ. 

ބަޔާން މަނިކް މި މުބާރާތުގެ ޗެމްޕިއަން ކަންނެގީ  ޕެނަލްޓީގައި ސޭވިއަރގެ މައްޗަށް 3-0 ކުން ކުރިހޯދައިގެންނެވެ.

މިމެޗްގެ މޮޅުކުޅުންތެރިއަކަށް ހޮވިފައިވަނީ ބަޔާން މަނިކްގެ ގޯލްކީޕަރ މޫސާ ނައީމް އެވެ.

މުބާރާތުގެ ޱުރީމް ޓީމް އަކީ:

މުހައްމަދު ސާހް (އެމް އެފްސީ)

އަހްމަދް މަހްދޫމް (ސޭވިއަރ)

މޫސާ ނައީމް (ބަޔާން މަނިކް)

އަހްމަދު އީމާން (ބަޔާން މަނިކް)

ސާއިން ސަލީމް (އެމް އެފް ސީ ޖޫނިއަރ)

މުޅި މުބާރާތުގެ އެއްމެމޮޅު ކުޅުން ތެރިއަކަށް ހޮވިފައިވަނީ ބަޔާން މަނިކްގެ އަލީ ހާފިޒް(ހާއްޕެ)އެވެ.

އެއްމެ އުއްމީދީ ކުޅުންތެރިއަކަށް ހޮވިފައިވަނީ އެމް އެފް ސީ ޖޫނިއަރގެ ސިޔާޒް އެވެ.

މި މުބާރާތުގެ އެއްމެ ގިނަ ގޯލް ޖެހި ކުޅުންތެރިއަކީ އެމް އެފް ސީގެ މުހައްމަދު ސާހް އެވެ.

އެއްމެ މޮޅު ކޯޗް އަކީ ބަޔާން މަނިކްގެ ކޯޗް މުހައްމަދު ހުސެއިން އެވެ.