ފޮރިން މިނިސްޓަރު ޒަމީރާއި އިންޑިއާ ސަފީރު ބައްދަލުކުރައްވައިފި

އިންޑިއާއިން ރާއްޖެއަށް ކަނޑައަޅާފައި ހުންނަވާ ސަފީރު މުނޫ މަހާވަރު، ރާއްޖޭގެ ފޮރިން މިނިސްޓަރު މޫސާ ޒަމީރާ ބައްދަލުކުރައްވައިފިއެވެ.

އެ ބައްދަލުކުރެއްވުން ބާއްވާފައިވަނީ  މިއަދުއެވެ. އިންޑިއާގެ ސަފީރު ޓްވިޓަރގައި ކުރެއްވި ޕޯސްޓެއްފައި ވަނީ، އެ ބައްދަލުވުމުގައި ބޭނުންތެރި މަޝްވަރާތަކެއް ކުރެވުނު ކަމަށް ވިދާޅުވެފައެވެ. އެހެންނަމަވެސް މި ބައްދަލުވުމާ ގުޅޭ ތަފްސީލުތައް ފޮރިން މިނިސްޓްރީން އަދި ހާމައެއް ނުކުރައްވައެވެ.

އާ ސަރުކާރާއެކު މަސައްކަތް ކުރުމަށްވެސް ތައްޔާރަށް އިންޑިއާއިން އޮތް ކަމަށް އެ ގައުމުން ވަނީ ބުނެފައެވެ. އަދި ރާއްޖޭގައި ތިބި އިންޑިއާ ސިފައިން ފޮނުވާލުމަކީ މި ސަރުކާރުގެ މުހިންމު ވައުދަކަށް ވާއިރު، އެ މަސައްކަތަށް އެއްބާރުލުން ދޭނެ ކަމަށް ވެސް އިންޑިއާއިން ވަނީ ބުނެފައެވެ.