ހަފްތާއެއްގެ ތެރޭގައި ޗިކުންގުންޔާގެ ކޭސްތައް 100އިން މައްޗަށް

މިދިޔަ މަހުގެ 28 ވަނަ ދުވަހުން މިމަހުގެ ހަތަރުވަނަ ދުވަހުގެ ނިޔަލަށް ޗިކުންގުންޔާގެ 117 ކޭސް ފެނިފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.

އެޗްޕީއޭ އިން ބުނެފައިވަނީ ރާއްޖެއިން މިހާތަނަށް ވަނީ ޗިކުންގުންޔާގެ 240 ކޭސްއެއް ފެނިފައި ކަމަށެވެ. މިދިޔަ މަހުގައި ޗިކުންގުންޔާގެ 117 ކޭސް އެއް އަދި މިމަހުގެ މިހާތަނަށް ޗިކުންގުންޔާގެ 58 ކޭސް ފެނިފައިވާ ކަމަށް އެޗްޕީއޭ އިން ބުންޏެވެ.

X.com/hpa_mv

އެ ބަލީގެ ކޭސްތައް އެންމެ ގިނައިން ފެނިފައިވަނީ މާލޭ ސަރަހައްދުންނެވެ.

• މާލެއިން 193 ކޭސް
• ހުޅުމާލެއިން 40 ކޭސް
• ހއ. އަތޮޅުން 2 ކޭސް
• ށ، ބ، އަދި އަދި ލ. އަތޮޅުން  މި  ތިން  އަތޮޅުން  ވަނީ 1 ކޭސް ރިޕޯޓް ކޮއްފައިވެއެވެ. 

ޗިކުންގުންޔާއަކީ ޑެންގޫ ހުން ފަތުރާ އީޑީސް މަދިރިން ފެތުރޭ ވައިރަލް ހުމެކެވެ. މި ބަލި ޖެހުމުން ހުޅުހުޅުގައި ރިއްސައި ބައެއް ފަހަރު ހުޅު ދުޅަވެ އެކަމުގެ އުނދަގޫ ބަލި ރަނގަޅުވި ނަމަވެސް ގިނަ ދުވަސްތަކަކަށް ދެމިގެންދެއެވެ. މި ބަލީގެ އަލާމާތްތައް ފެންނަން ފަށަނީ ވައިރަސް އެކުލެވޭ މަދިރި ހަފާތާ 3-7 ދުވަސް ތެރޭގައެވެ. އަދި މިބަލިން ރައްކާތެރިވުމަށް އެޗްޕީއޭއިން ވަނީ އިލްތިމާސް ކޮއްފައެވެ.