ލޯޔަރު އާދަމް ޝަމީމު ބަލި ޤަބޫލުކޮށް ކުޑަހުވަދޫ ދާއިރާއައް ހޮވިވަޑައިގަތް ޙުސެއިން ޙަމީދުއަށް މަރުޙަބާ ދަންނަވައިފި

ލޯޔަރު އާދަމް ޝަމީމު ބަލި ޤަބޫލުކޮށް ކުޑަހުވަދޫ ދާއިރާއައް ހޮވިވަޑައިގަތް ޙުސެއިން ޙަމީދުއަށް މަރުޙަބާ ދަންނަވައިފިއެވެ. 

އާދަމް ޝަމީމް ފޭސްބުކު ގައި ކޮއްފައިވާ ޕޯސްޓެއްގައި ވިދާޅުވެފައިވަނީ "ރައްޔިތުންގެ މަޖިލީހުގެ ކުޑަހުވަދޫ ދާއިރާގެ އިންތިޙާބު ކާމިޔާބު ކުރެއްވި ޙުސެއިން ހާމީދު އަށް ވަރަށް ބޮޑަށް މަރުޙަބާ ދަންނަވަން" ކަމަށެވެ. 

ކުޑަހުވަދޫ ދާއިރާއަށް ވޯޓުލުމުގެ ހައްގު ލިބިގެންވާ މީހުންގެ އަދަދަކީ 3155 މީހުނެވެ. އޭގެތެރެއިން މި އިންތިހާބުގައި ވޯޓުލީ މީހުންގެ އަދަދަކީ 2711 މީހުނެވެ. މީގެ ތެރެއިން 38 ވޯޓު އަކީ ބާތިލު ވޯޓެވެ. މި އިންތިހާބު ގައި ވާދަކުރެއްވި ކެނޑިޑޭޓުންގެ ތެރެއިން 1212 ވޯޓުން ކާމިޔާބު ކުރެއްވީ ޕީއެންސީގެ ކެނޑިޑޭޓު ޙުސެއިން ޙަމީދެވެ. މީގެ އިތުރުން އެމްޑީޕީގެ ކެނޑިޑޭޓު ޙަޒްމަތު ދޮންމަނިކު އިބްރާޙިމް އަށް 907 ވޯޓު، އަމިއްލަ ގޮތުން ވާދަ ކުރެއްވި މިހާރުގެ ކުޑަހުވަދޫ ދާއިރާގެ މެމްބަރު އަހުމަދު އާމިރު އަށް 413 ވޯޓު، ޑިމޮކްރެޓްސްގެ ކެނޑިޑޭޓު އަހުމަދު ޝައްމޫން އަށް 110 ވޯޓު، އަމިއްލަ ގޮތުން ވާދަ ކުރެއްވި ލޯޔަރު އާދަމް ޝަމީމް އަށް 29 ވޯޓު އަދި އަމިއްލަ ގޮތުން ވާދަ ކުރެއްވި އަހުމަދު އިބުރާހިމް އަށް 2 ވޯޓު ލިބިވަޑައިގެންފައި ވެއެވެ.