މާލޭގެ ކެފޭއެއްގައި ދުން ލީކުވެ 7 މީހުނަށް ހޮސްޕިޓަލްގައި ފަރުވާދެނީ

މާލޭގެ ކެފޭއެއްގައި ގޭސް ލީކްވެ، ހަތް މީހަކު އަނބުރައިގަނެގެން ވެއްޓުމާ ގުޅިގެން އެމީހުންނަށް ފަރުވާ ދިނުމަށް ހޮސްޕިޓަލަށް ގެންގޮސްފިއެވެ.

ފުލުހުން ބުނީ ބޮޑުރަސްގެފާނު މަގުގައި ހުރި ކެފޭއެއްގެ ބަދިގޭގެ ދުންހޮޅިން ބަދިގެ ތެރެއަށް ދުން ލީކްވެ ހަތް މީހުން އަނބުރައިގަނެގެން އައިޖީއެމްއެޗް އަށް ގެންގޮސްފައިވާ ކަމުގެ މައުލޫމާތު ލިބުނީ މިއަދު ހެނދުނު ހައެއް ޖަހާކަން ހާއިރު ކަމަށެވެ.

އެމީހުންގެ ތެރޭގައި ހިމެނެނީ ސްރީލަންކާ މީހަކާއި އިންޑިއާ މީހަކާއި ބަންގްލަދޭޝް ދެ މީހުންގެ އިތުރުން ނޭޕާލް ތިން މީހުންނެވެ. މި މީހުންގެ ތެރެއިން އެކަކަށް މިހާރު ފަރުވާ ދެނީ އޭޑީކޭ ހޮސްޕިޓަލްގައި ކަމަށް ވެސް ފުލުހުން ބުންޏެވެ.

"އެއްވެސް މީހެއްގެ ހާލު ސީރިއަސްއެއް ނޫން،" ފުލުހުން ބުންޏެވެ.