ދ. އަތޮޅު ފައިނަލަށް މާއެނބޫދޫއާއި ކުޑަހުވަދޫ

ރާއްޖޭގައި ބާއްވާ އެންމެ ބޮޑު، އެންމެ ޝަރަފުވެރި ފުޓްސަލް މުބާރާތް، ސޮނީ ސްޕޯޓްސް ގޯލްޑަން ފުޓްސަލް ޗެލެންޖް 2024ގެ ދ. އަތޮޅު ފައިނަލަށް ކުޑަހުވަދު އާއި މާއެނބޫދޫ ދަތުރު ކޮއްފިއެވެ.

ހުޅުމާލޭ ރެހެންދި ދަނޑުތަކުގައި މުބާރާތުގެ އަތޮޅު ބުރުގެ މެޗުތައް ފޯރިއާ އެކު ކުރިއަށްދާ އިރު، އިއްޔެ ހަވީރާއި ރޭވެސް މެޗުތައް ކުޅެފައިވެއެވެ. އިއްޔެ ހަވީރު ފ. އަތޮޅުގެ ދެ މެޗާއި ދ. އަތޮޅު، ލީގު ބުރުގެ ފަހު ދެ މެޗު ކުޅެން އޮތެވެ. ދ. އަތޮޅު ލީގު ބުރުގައި ކުޑަހުވަދޫ އާއި ހުޅުދެލި ވާދަކުރަން އޮތް މެޗު، ކުޑަހުވަދުއަށް ލިބުމާއެކު އެޓީމަށް ފައިނަލް ޔަގީންވި އިރު، މާއެނބޫދޫން ފައިނަލް ޔަގީންކުރީ 5-0 އިން މީދޫ ބަލިކޮށްގެންނެވެ.

މެޗުގައި މާއެނބޫދޫ އިން ކާމިޔާބުކުރި ފަސް ގޯލުގެ ތެރެއިން ދެ ގޯލަކީ މީދޫގެ ޒީދާން ނާސިރު އަދި މުހައްމަދު ފާރިޝް އަތުން ބައިކޮޅަށް ވަން ދެ ގޯލެވެ. މާއެނބޫދޫގެ އަނެއް ގޯލުތައް އެ ޓީމަށް ޖަހާދިނީ  އަލީ  ސާމިއު, އާލިމް އަލީ އަދި އަބްދުﷲ ޒާން ޒަހީނެވެ.

މިދިޔައަހަރުވެސް  ދ  އަތޮޅުބުރު  ފައިނަލްގަ  ވާދަކޮއްފަ  ވަނި  ދ.މާއެނބޫ  އަދި  ދ.ކުޑަހުވަދޫއެވެ.  ދ  އަތޮޅުގެ  ފައިނަލް  އޮއްނާނީ  7  ފެބުރުއަރީވާ  ބުދަދުވަހުގެ  ރޭގަންޑު  21:00  ގުރައުނޑް  2  ގައެވެ.