ދ.މާއެނބޫދޫ ކައުންސިލް ފުޓްސަލް މުބާރާތުގެ އަންހެން ޱިވިސަންގެ ފައިނަލްއަށް ސޭވިއަރ އަދި ޒެޱްޓީ ސްޓާރސް

ދ.މާއެނބޫދޫ ކައުންސިލް ފުޓްސަލް މުބާރާތުގެ ފައިނަލް އަށް ސޭވިއަރ އަދި ޒެޱްޓީ ސްޓާރސް.

ސެމީފައިނަލްގެ ފުރަތަމަ މެޗްގައި ބައްދަލުކުރީ ޒެޱްޓި ސްޓާރސް އަދި ފަހެލި ލޭޱީސްއެވެ. މިމެޗް ޒެޱްޓީ ސްޓާރސް ކާމިޔާބުކުރީ 4-0 ގެ ތަފާތުބޮޱް ނަތީޖާ އަކުން ފަހެލި ލޭޱީސް ލަދުގަންނަވާލުމަށް ފަހުއެވެ. މިމެޗްގެ މޮޅު ކުޅުންތެރިއަކަށް ހޮވިފަވަނީ  ޒެޱްޓީ ސްޓާރސްގެ ފާތްމަތު ސީނާ(ނާނީ) އެވެ.

ސެމީފައިނަލްގެ ފަހު މެޗްގައި ބައްދަލުކުރީ ސޭވިއަރ އަދި މިނިއަންސް އެވެ. މި މެޗް 2-1 ގެ ނަތީޖާ އަކުން ކާމިޔާބުކުރީ ސޭވިއަރ އިންނެވެ. ފުރަތަމަ ހާފުގައި ސޭވިއަރއިން ވަނީ ގޯލްއެއްޖަހާ ލީޱް ނަގާފައެވެ. މި ގޯލް އެޓީމްއަށް ކާމިޔާބު ކޮށްދިނީ ކެޕްޓަން ސާލިޔާއެވެ. ދެވަނަ ހާފްގައި ވެސް ސާލިޔާ ވަނީ ގޯލްއެއްޖަހާ ސޭވިއަރއަށް ލީޱް ފުޅާކޮށްދީފައެވެ. މިމެޗްގެ މޮޅު ކުޅުންތެރިއަކަށް ހޮވިފައިވަނީ ސޭވިއަރގެ ކެޕްޓަން ސާލިޔާއެވެ.

ސޭވިއަރ އަދި ޒެޱްޓީ ސްޓާރސް ބައްދަލުކުރާ ފައިނަލް މެޗް  ކުޅުމަށް ހަމަޖެހިފައިވަނީ 1 އޮގަސްޓް ވާ ބުރާސްފަތި ދުވަހުގެރޭ(މިރޭ) 20:30 މާއެނބޫދޫ ފުޓްސަލް ދަނޱުގައެވެ.