ފީފާ ފުޓްސަލް ރޭންކިންގައި ސާފް ސަރަހައްދުން ރާއްޖެއަށް އެއް ވަނަ

ފީފާ އިން ފުރަތަމަ ފަހަރަށް ނެރުނު ފުޓްސަލް ރޭންކިންގައި ރާއްޖޭގެ ފިރިހެން ގައުމީ ޓީމު، 110 ވަނައިގައި ހިމެނިފައިވާއިރު، ދެކުނު އޭޝިއާގެ ގައުމުތަކުގެ ތެރެއިން  ރޭންކިންގެ އެއް ވަނައިގައި އޮތީ ރާއްޖެ އެވެ. 

އިއްޔެ، ފީފާ ރަސްމީ ވެބްސައިޓުގައިވަނީ މުޅިން އަލަށް ފުޓްސަލް އިން ގައުމުތަށް ރޭންކްކޮށްފަ އެވެ. އެ ގޮތުން، ޖުމްލަ އެކު، 139 ގައުމެއް ވަނީ ރޭންކްކޮށްފަ އެވެ. 

މި ރޭންކިންގައި ރާއްޖޭގެ ފިރިހެން ގައުމީ ފުޓްސަލް ޓީމު، ހިމެނެނީ 110 ގަ އެވެ. އެއީ އޭޝިއާ އަށް ބަލާއިރު، 27 ވަނައިގަ އެވެ. 

ރޭންކިންގައި، ދެކުނު އޭޝިއާ (ސާފް)ގެ ގައުމުތަކަށް ބަލާއިރު، ރާއްޖެ ފަހަތުން، ނޭޕާލް، 121 ވަނައިގައި އޮތްއިރު، އިންޑިއާ އޮތީ 135 ވަަނައިގަ އެވެ. މި ސަރަހައްދުން އިތުރު ގައުމެއް ރޭންކްކޮށްފައިނުވެ އެވެ.